Indrit Sakipi lojtar i ri i Shkëndijës në fokusin e seleksionuesit U19 Toni Jakimovski

Kombëtarja e re e Maqedonisë deri në 19 vjeç do të zhvillojë dy ndeshje kontrolluese ndaj përzgjedhjes përkatëse me kombëtaren e Gjeorgjisë informonTetovasot. Ndeshjet kontrolluese do të zhvillohen në qendrën stërvitore “Petar Miloshevski” në Shkup, me fillim nga ora 17:00. Ndeshja e parë nga përzgjedhësi Toni Jakimovski do të luhet më 12 gusht. Dy ditë më pas në program është ndeshja e dytë kontrolluese mes këtyre përfaqësueseve. Trajneri i kombëtares së Maqedonisë deri në 19 vjeç, Toni Jakimovski ka vendosur që për ndeshjet e ardhshme t’i thërrasë futbollistët që janë në redarin e tij por këtë radhë vlen të theksohet edhe një lojtar i ri i klubit Shkëndija Indrit Sakipi i cili mbush syrin e strategut Jakimovski dhe do të performojë në mbrojten e kombëtares së Maqedonisë në U19.
Indrit Sakipi shprehet tepër i emocionuar për ftesën në Kombëtaren e Maqedonisë në U19 dhe shpreson që të jap maksimumin në terren që të dalin fitues në këto ndeshje.
Shkruan gazetari i sportit Buran Musliu.