Edon Zhegrova kontribuon me gol në fitoren e Lille ndaj Rijekës

Lille ka shënuar fitore në ndeshjen e parë ndaj Rijekës, në fazën e play-offit në Ligën e Konferencës.

Ndeshja e zhvilluar në stadiumin “Pierre-Mauroy” përfundoi me rezultatin 2:1.

Edon Zhegrova, i cili ishte titullar dhe luajti për 66 minuta, la gjurmë në këtë ndeshje duke shënuar gol.

Reprezentuesi i Kosovës ishte autor i golit të parë për Lille, i shënuar në minutën e 43-të.

Golin e fitores për skuadrën franceze e shënoi Leny Yoro, në minutën e 89-të.

Ndërkaq, golin e vetëm për kroatët e shënoi Marco Pasalic, në minutën e 24-të.

Ndeshja e kthimit do të zhvillohet pas një jave. Skuadra fituese e siguron kualifikimin për në grupet e Ligës së Konferencës.