Arrestohet për vjedhje të rënda një person nga Çegrani

Dje (28-gusht) rreth orës 20:30, në rrugën Bregu i Vardarit në Gostivar, zyrtarë policorë të SPB Tetovë-Departamenti i Punëve të Brendshme Gostivar kanë privuar nga liria 23-vjeçarin S.D. nga Çegrani i Gostivarit. Ai dyshohet se gjatë këtij muaji ka kryer dy vjedhje të rënda, njëra në objektin komercial në Gostivar dhe tjetra në Spitalin e Gostivarit. I njëjti është ndaluar në Stacionin Policor të Gostivarit dhe pas zbardhjes së plotë të rastit do të përballet me akuzën përkatëse.