Zbulohet oferta e Al-Hilal/ Silvas i ofrohen afro 1 milion euro në javë, edhe Man City mund të mbushë arkat

Zbulohet oferta e Al-Hilal/ Silvas i ofrohen afro 1 milion euro në javë, edhe Man City mund të mbushë arkat

Al-Hilal po vazhdon të këmbëngul për transferimin e Bernardo Silvas nga Manchester City.

Portugezi është i lidhur me një largim nga “Qytetarët” që prej vitit të kaluar, megjithatë ai po vazhdon të jetë pjesë e rëndësishme në ekipin e Pep Guardiolas.

“Daily Star” ka raportuar se Silva ka marrë një ofertë “të çmendur” nga klubi i Arabisë Saudite, që do ta bënte atë një prej më të paguarve në botë.
Al-Hilal thuhet se i ka ofruar atij pagë prej 930 mijë eurosh në javë, kurse Manchester Cityt i kanë ofruar 80 milionë euro për transferimin e 28-vjeçarit.

Mbetet të shihet në vazhdim nëse reprezentuesi i Portugalisë do të jetë ylli i radhës që do të largohet nga Evropa për t’u transferuar në Arabinë Saudite.

Bernardo Silva me kampionët anglezë ka kontratë të vlefshme deri në verën e vitit 2025.