Vodhën në një shtëpi ku pastronin, arrestohen një burrë dhe një grua nga Negotina e Pollogut

Dje (17-korrik) në ora 12:00 dhe 22:00, zyrtarët policorë të SPB-Tetovë kanë privuar nga liria personat B.S.(40) dhe 37-vjeçaren Z.S., të dy nga Negotina e Pollogut, të cilët paraprakisht ishin denoncuar nga 35-vjeçari banor i Toplicës së Gostivarit se kanë kryer një vjedhje në shtëpinë e tyre familjare, në të cilën kanë qenë të angazhuar për pastrimin dhe rregullimin e ambienteve të brendshme. Tek ata janë gjete sendet e konfiskuara dhe iu kthyen pronarëve.
Pas dokumentimit të plotë të rastit, kundër tyre do të përgatiten parashtresat përkatëse.TS