Kovaçevski: VMRO-ja cenon stabilitetin e rajonit!
NATO-ja në Samitin në Lituani ka shprehur mbështetjen për anëtarësimin e Maqedonisë së Veriut, të shteteve rajonale që janë në pritje. Kështu ka bërë të ditur kryeministri Dimitar Kovaçevski duke shtuar se çdo bllokadë që i bëhet procesit, siç qëndron me DPMNE-në për ndryshimet kushtetuese, është cenim i stabilitetit të rajonit.
“NATO qëndron në një vijë me BE-në sa i takon perspektivës evropiane dhe e mbështesin anëtarësimin e vendit dhe shteteve tjera në pritje nga rajoni… Kjo nënkupton se çdo bllokadë, të cilën partitë politike, para se gjithash opozitare që e bëjnë në vendin tonë, dhe këtu më së shumti mendoj në DPMNE-në që e ushtron në Kuvend, si për bllokadën e reformave po ashtu edhe për mosbashkëpunimin për ndryshimet kushtetuese, është punë direkte për mosanëtarësim në BE dhe me këtë edhe për stabilitetin në rajon”, tha mes tjerash Kovaçevski.
