Twitteri do ta ndryshojë emrin

Pronari i Twitterit, Elon Musk, ka konfirmuar planet dhe spekulimet se rrjeti i njohur social do ta ndryshojë emrin e tij.

Nën postimin në Twitter të Daily News, në një koment mbi lajmin se shkronja “X” mund të zëvendësojë emrin aktual të rrjetit social, si dhe logon e zogut blu, ai shkroi shkurt: “E vërtetë”.

Musk më parë la të kuptohet se Twitteri mund ta ndryshojë markën dhe emrin në të ardhmen.

Gjithashtu, ai theksoi se platforma e re “X” do të ketë një zgjedhje shumë më të madhe kur publikon përmbajtje me format më të gjatë, video, mesazhe, si dhe funksione dhe shërbime të tjera.