Nisen haxhinjtë e parë për në vendet e shenjta

Sot më 15.06.2023 filloi shkuarja e haxhinjve të Bashkësisë fetare islame të Maqedonisë së Veriut për në vendet e shenjta për kryerjen e Kushtit të Pestë islam – Haxhit. Nisja u bë në mënyrën më të mirë dhe më precize.
Sipas programit të Komisionit Qendror të Haxhit 2023 të BFI të parët udhëtojnë haxhinjtë e Myftinisë së Tetovës – aeroplani i parë.
Reisul Ulema H.Hfz. Shaqir ef. Fetai shprehi urime të përzemërta të gjithë haxhinjve dhe uroj nismën e mbarë të grupit të parë nga Myftinia e Tetovës.
Njiherit shpreh mirënjohje komisionit republikan si dhe komisioneve lokale për përgatitjen e të gjithë dokumentacionit të paraparë për udhëtim të rehatshëm, pritje dhe menaxhimit të stafit udhëheqës të Aeroportit ndërkombëtar të Shkupit, ndërsa Qeverisë dhe Ministrisë së punëve të Brendshme për heqjen e vizave dalëse, që ishte një lehtësim shumë i madh për BFI e RMV dhe Muftinitë e saja.
Gjithsej nga BFI numri i sivjetmë është 2030 haxhinj dhe do të udhëtojnë në vendet e shenjta me 11 aeroplanë gjatë ditëve në vijim.
Urime dhe Zoti i bekoftë.