Guardiola si “Robin Hood”, premion e tij të Champions League ua ndan punonjësve të Manchester City
Pep Guardiola është treguar fantastik me gjestin e tij të cilin e ka bërë akoma edhe më të dashur brenda klubit.
Sipas “Daily Mail”, trajneri spanjoll ka shpërndarë çmimin e tij të fitimit të Champions League midis të gjithë punonjësve të klubit, përfshirë stafin e pritjes dhe sigurisë.
Këtë gjë ai e ka bërë për t’i falenderuar ata për kontributin e tyre në sukseset e ekipit.
Shuma e saktë është mbajtur sekret, por zakonisht bonusi i marrë nga lojtarët më të paguar është 877 mijë euro.