SHBA ofron 10 milionë dollarë për informacion mbi hakerin rus
Departamenti Amerikan i Shtetit ofroi sot një shpërblim deri në 10 milionë dollarë për informacionin që çon në arrestimin e shtetasit rus Mikhail Pavlovich Matveyev për sulme kibernetike duke përdorur softuer shantazhi ransomëare, në faqet e internetit të qeverisë dhe kompanive amerikane.
Nëse dënohet, Matveev përballet me më shumë se 20 vjet burg. ”Ne po i ndërmarrim këto veprime kundër Matveev për shkak të rolit të tij në sulmet e ransomware që synojnë zbatimin e ligjit, bizneset dhe infrastrukturën kritike të SHBA në mbarë botën,” tha Departamenti i Shtetit në një deklaratë.
Në lidhje me këtë veprim, Departamenti i Drejtësisë ngriti dy aktakuza kundër Matveev në Distriktin e Kolumbisë dhe Distriktin e Nju Xhersit, dhe Departamenti i Thesarit vendosi gjithashtu sanksione ndaj hakerit rus, u shpreh zëdhënësi i departamentit Matthew Miller.
Siç tha ai, Rusia është një strehë e sigurt për kriminelët kibernetikë, të cilët janë të lirë të “kryejnë operacione keqdashëse kibernetike kundër Shteteve të Bashkuara dhe partnerëve dhe aleatëve tanë”.
