PS fiton 48 bashki, “zhduk” bastionet e djatha, Berisha-Meta braktisen nga trojet e veta

Partia Socialiste e Shqipërisë ka triumfuar në shumicën e bashkive të Shqipërisë në zgjedhjet vendore. Deri më tani ka fituar 48 bashki, duke kryesuar edhe në 7 të tjera që po numërohen. I papritur në këto zgjedhje ishte rezultati në bastionet historike të opozitës si Shkodra, Tropoja, Devolli, Kukësi, Skrapari, të cilat janë ngjyrosur me rozë.

PS ka triumfuar gjithashtu edhe në Kamëz, Vorë, Elbasan, Pustec, Kolonjë, Librazhd, Dropull,, Roskovec, Libohovë, Rrogozhinë, Këlcyrë, Gramsh, Belsh, Përmet, Delvinë, Selenicë, Tepelenë, Peqin, Poliçan, Lushnjë, Bulqizë, Mat, Klos, Korçë, Kuçovë, Sarandë, Patos, Dibër, Skrapar, Cërrik, Patos, Prrenjas, Berat, Vau i Dejës Mallakastër, Vlorë, Konispol, Maliq, Lezhë, Dimal, Mallakastër, Divjakë, Shijaku, Përmet, Pogradec.

Edhe në 7 bashki të tjera ku vijon numërimi si në Gjirokastër, Kurbin, Kavajë, Malësi e Madhe, Kukës, Durrës dhe Tiranë, kryeson PS.
Nga ana tjetër koalicioni “Bashkë Fitojmë” ka pësuar humbje disfatë me fitoren e vetëm 6 bashkive duke e tkurrur hartën e demokratëve me marrjen e bastioneve nga PS. Berisha dhe Meta nuk janë votuar as në Tropojë e Skrapar, vendet e tyre të lindjes prej të cilave janë mbështetur vazhdimisht. “Bashkë Fitojmë” ka fituar në Pukë, Has, Himarë, Memaliaj, Mirditë, Fushë Arrëz.