OKB i bënë thirrje Iranit për t’iu dhënë fund dënimeve me vdekje

Shefi i OKB-së për të Drejtat e Njeriut Volker Türk, shprehu shqetësimin për numrin e frikshëm të lartë të ekzekutimeve këtë vit në Iran dhe u bëri thirrje autoriteteve të ndjekin shembullin e shumicës së shteteve të tjera dhe të heqin dënimin me vdekje ose të ndalojnë të gjitha ekzekutimet.

“Mesatarisht deri më tani këtë vit, mbi 10 njerëz vriten çdo javë në Iran, duke e bërë atë një nga ekzekutuesit më të lartë në botë”, tha Türk.

Që nga 1 janari, burimet thonë se të paktën 209 persona janë ekzekutuar, kryesisht për vepra penale të lidhura me drogën dhe një numër në mënyrë disproporcionale të lartë që përfaqësojnë pakicat. Numri i saktë i ekzekutimeve nuk dihet për shkak të mungesës së transparencës së qeverisë dhe shifra ka të ngjarë të jetë më e lartë.

“Me këtë ritëm, Irani është në mënyrë shqetësuese në të njëjtën rrugë si vitin e kaluar, kur rreth 580 persona raportohet se u ekzekutuan”, tha Türk.

“Ky është një rekord i neveritshëm, veçanërisht kur merret parasysh konsensusi në rritje për heqjen universale të dënimit me vdekje.”

Vetëm një numër i vogël shtetesh ende vendosin dhe zbatojnë dënimin me vdekje.

Të shtunën, Irani ekzekutoi Habib Chaab, një suedez-iranian nga pakica arabe Ahwazi, për “korrupsion në tokë”, një vepër penale sipas interpretimit të rreptë të ligjit islamik nga Irani. Raportet të hënën thanë se Yousef Mehrdad dhe Sadrollah Fazeli Zare u ekzekutuan për krime duke përfshirë blasfeminë.