Makina del nga rruga dhe përplaset me bordurën, humb jetën 17-vjeçari në Tiranë

Një aksident i ndodhur mbrëmjen e sotme në Tiranë, ka rezultuar fatal për një 17-vjeçar.

Sipas policisë rreth orës 22:30, në Baldushk, i riu dyshohet se ka humbur kontrollin mbi drejtimin e makinës së tij tip”Benz kur automjeti ka dalë nga rruga dhe është përplasur me bordurën anësore.

Si pasojë e aksidentit 17-vjeçari ka ndërruar jetë.

Njoftimi i policisë:
Tiranë/Informacion paraprak

Më datë 22.05.2023, rreth orës 22:30, në Baldushk, shtetasi Sh. V., 17 vjeç, duke drejtuar automjetin tip “Benz”, dyshohet se ka humbur kontrollin mbi drejtimin e tij dhe automjeti ka dalë nga rruga dhe është përplasur me bordurën anësore.

Si pasojë e aksidentit drejtuesi i automjetit, shtetasi Sh. V., ka ndërruar jetë.

Grupi hetimor po punon për sqarimin e rrethanave të aksidentit.