Dorëhiqet trajneri i Shkëndijës, Qatip Osmani

Përfundon etapa e rradhës e Qatip Osmanit në bankinën e Shkëndijës. Tekniku i trofeshëm pas fitores 2:1 në fushë të Rabotniçkit në ndeshjen e fundit të sezonit 2022/2023 ka njoftuar se ka vendosur të largohet nga tabori kuqezi.
“Mendoj se gjithmonë mundet të bëhet më mirë. Por ajo që është më e rëndësishme në këtë moment është se kjo ishte ndeshja e fundit për mua si trajner i Shkëndijës. Me këtë rast dua të falenderoj të gjithë për përkrahjen që kam pasur këtë vit, duke filluar nga ekonomat, stafit mjekësor, stafit teknik, udhëheqësisë, publikut, “Ballistëve” dhe ndoshta më me rëndësi kompanisë “Ecolog” e cila vazhdimisht vite me rradhë investon në këtë ekip për të ndërtuar një klub Evropian”, është shprehur pas ndeshjes me Rabotniçkin tashmë ish-trajneri i Shkëndijës, Qatip Osmani.