Barcelona ia cakton çmimin e largimit Raphinhas, dy klube angleze në garë për të

Rapinha mund të largohet nga Barcelona gjatë afatit kalimtar të verës.

Braziliani është pjesë e planeve të Xavit, por largimi i tij nuk përjashtohet nëse klubet e interesuara për të e bëjnë ofertën e duhur,.

Kësisoj, Raphinha mund të rikthehet në Premierligë, pasi për të interesim kanë shfaqur Chelsea dhe Newcastle United.
Sipas “Sport”, Barcelona do ta lejojë largimin e 26-vjeçarit, nëse ndonjë klub paguan së paku 80 milionë euro për të.

Barça po vazhdon të ketë vështirësi financiare dhe mendohet se mund të ketë shitje të konsiderueshme lojtarësh këtë verë, pasi klubi duhet urgjentisht të ulë faturën e pagave.

Ndryshe, Raphinha me klubin nga “Camp Nou” ka kontratë të vlefshme deri në verën e vitit 2027.