“Rënia e titanit”, Zlatan Ibrahimovic pëson një tjetër dëmtim

Zlatan Ibrahimovic duket se po kalon momentet e tij të fundit të karrierës së të madhe.

Sulmuesi 41-vjeçar është aktivizuar vetëm katër ndeshje këtë sezon me fanellën e Milanit, ku ka shënuar vetëm një gol dhe shkak për minutat e pakta në fushën e lojës kanë qenë pikërisht dëmtimet e shumta që suedezi ka pësuar gjatë këtij sezoni.

Tashmë është konfirmuar përsëri se Zlatan ka pësuar një tjetër dëmtim në pulpën e këmbës së djathtë, e cila nuk dihet se sa gjatë do ta mbajë jashtë fushave të blerta.

Ibrahimovic ka qenë tepër i rëndësishëm për Milanin edhe kur nuk ka qenë në fushë për të luajtur, por e ka ndihmuar skuadrën në dhomat e zhveshjes me mentalitetin e tij fitues dhe me motivimin.