Prokuroria thotë se po zhvillohen hetime intenzive për sulmin ndaj Valon Sylës

Prokuroria Themelore ka bërë të ditur se janë duke u zhvilluar hetime intenzive lidhur me sulmin e mbrëmshëm ndaj gazetarit, Valon Syla.

Siç thuhet në njoftim, tre të dyshuarit janë ende në arrati, por po punohet në sqarimin e rrethanave të rastit, dhe identifikimit dhe gjetjen e tyre, transmeton klankosova.tv.

”Prokuroria Themelore në Prishtinë ju njofton lidhur me rastin e gazetarit V.S., i cili ka marrë lëndime trupore si pasojë e sulmit fizik nga tre persona, me ç’rast i njëjti ka pranuar trajtimin e nevojshëm mjekësor, derisa Prokurori i Shtetit ka dalë në vendin e ngjarjes dhe në koordinim të plotë me Policinë ka ndërmarrë të gjitha veprimet e nevojshme hetimore nga vendi i ngjarjes”.

”Me urdhër të Prokurorit të Shtetit rasti është cilësuar “Lëndim i lehtë trupor”, sipas KPRK-së dhe në vazhdimësi janë duke u zhvilluar hetime në mënyrë intensive, me qëllim të sqarimit të rrethanave të këtij rasti, si dhe identifikimit e sigurimit të prezencës së të dyshuarve në procedurën penale”.