E moshuara përdorte qirinj për të kursyer para: apartamenti në flakë, vdes në moshën 76-vjeçare

Rritja e çmimit të energjisë po shoqërohet me efekte dramatike edhe në vendet e zhvilluara.
Për të kursyer para, ata fikën dritat dhe ndezën qirinj. E moshara harroi qiriun ndezur dhe si pasojë ra një zjarr, duke shkrumbuar pothuajse gjithçka. Tragjedia ndodhi në një apartament në Pigneto, Itali. Dhe ajo, Annamaria Palma, 76 vjeç, vdiq në shtrat, në shtëpinë e saj. Ajo dha frymën e saj atje ku nuk mund të lëvizte më, aq plot me rroba, libra, objekte të çdo lloji. Rafte të paqarta që e bënin të vështirë lëvizjen midis dhomave. Dhe kështu ishte e pamundur që ajo të shpëtonte ose të merrte ndihmë për të shpëtuar.

Flakët kanë rënë rreth orës 21.30 në banesën e katit të dytë. Në shtëpi ishin edhe bashkëshorti i saj 77-vjeçar dhe djali 51-vjeçar, si dhe disa kafshë: dy qen dhe një lepur. Zjarrfikësit arritën të shuanin zjarrin brenda një kohe të shkurtër, por nuk mund të bënin asgjë për gruan.

Nga ana tjetër, dy anëtarët e tjerë të familjes u dërguan me urgjencë në spitalin e Umberto. Vdekjen e gruas e mori vesh bashkëshorti teksa ndodhej në ambulancë, pak para se të nisej për në spital.