Zaevi, Strumica dhe partitë shqiptare!

Zoran Zaevi vazhdon ta ketë primatin e një ‘tregtari’ të paparë me akrobacionet e tij politike.

Ai po shfrytëzon kaosin dhe shkapërderdhjen që po ndodhë në taborin e partive politike shqiptare.

“Kemi numra rezervë për 64, Zaevi e di lojën”, më tha sot një LSDM-ist i përbetuar.

Takimi në Strumicë me Gashin është vazhdimësi e lojës dhe taktizimeve të Zaevit, që kur do të ngjit në maje të plepit dhe më pas ti heq shkallët.

Ai me këtë i çon porosi edhe partnerit të ri qeveritar ASH, që mos të kushtëzojnë për diçka që është kockë e papranueshme?!

ASH e njeh mirë Zaevin, duke pasur përvojën e 2017, kur me sinqeritetin dhe buzëqeshjen e tij falso i’a pruni punën me dal nga pushteti.

“Dhelparaku” i Strumicës me stilin e tij për çudi si po i tërheq partitë shqiptare, duke i braktisur dhe më pas duke i përqafu e duke i’a fshirë lotët.

Ai është njeri që nuk ka rregulla loje dhe që nuk respekton parimet e partneritetit në rrethana kur gjen hapësirën për të manovruar. Deri kur do lejohen këto manovrime!