Vranë policin malazez, dënohen me burg dy vëllezërit dhe nëna e tyre

Luan, Nure dhe Lulzim Hasanaj, nëna me dy djemtë u dënuan me nga 40 vjet burg në seancën e sotme në Gjykatën e Lartë të Podgoricës për vrasjen e policit Milutin Lekovic, në vitin 2019.

Të tre akuzoheshin për vrasje në bashkëpunim, pavarësisht se këmbëzën e tërhoqi vetëm 43-vjeçari Luan Hasanaj. Lekovic u vra më 15 dhjetor 2019, teksa kishte ndaluar për kontroll mjetin me të cilin udhëtonin nëna shqiptare me dy djemtë.

Ata nuk kishin dokumente dhe po tentonin të kalonin në Kroaci në vendin e quajtur Fusha e Sutorinit. Oficeri iu ka kërkuar dokumentet, por ata nuk i kanë pasur dhe në atë moment kanë nisur debatet. Në momentin që po debatonin, Luan Hasanaj ka nxjerrë nga armën e zjarrit dhe ka qëlluar në kokë 41-vjeçarin Millutin Lekoviç.

Efektivi u dërgua në spitalin e Risanit, por nuk arriti t’u mbijetonte plagëve të marra. Ndërkohë autori u arratis bashkë me të ëmën dhe të vëllanë.

Vetëm disa kilometra larg vendit të krimit, Luan Hasanaj së bashku me Lulëzim Hasanaj dhe Nure Hasanaj u ndaluan nga policia malazeze, me të cilët patën edhe shkëmbim zjarri.

Nga të shtënat me armë, vetë autori përfundoi i plagosur në dorë.