Vetura e vrasësve të Jeton Krivanjevas dhe Enes Isenit gjendet e djegur në Shkup (FOTO)

Siç raportohet jozyrtarisht gjendet e djegur vetura “Audi 6”, me të cilën vrasësit e Jeton Krivanjeva dhe Enes Isenir që  ndryshe njihen me nofkat “Laçi” dhe “Zhilla”. Deri tani shihet vetëm një tabelë e cila thuhet se është e falsifikuar.

Siç ka raportuar”TS LIVE” nga vendi i ngjarjes që ndodhi sonte rreth orës 20:11 në kafiterinë “Shisha Bar” në Shkup mbeti i plagosur edhe Talha Ali i cili për momentin gjendet në Spitalin Klinik të Shkupit.

Nga Prokuroria thonë se prokurori publik kujdestar së bashku me ekipet hetimore policore sonte po kryejnë hetime në vendngjarje në një lokal, ku në një incident të armatosur mbetën të vrarë dy persona dhe një u plagos.

Sipas informacioneve fillestare, disa persona të maskuar me armë zjarri kanë qëlluar në drejtim të dy të cilët kanë gjetur vdekjen në vend, ndërsa i plagosuri është dërguar në spital për tretman mjekësor.

Gjurmët janë fiksuar në vendngjarje dhe prokurori publik jep të gjitha urdhrat dhe udhëzimet e nevojshme për sigurimin e provave që do të ndihmojnë në zbardhjen e ngjarjes dhe zbulimin e identitetit të autorëve./TS/