Mbi 50 mijë viktima nga tërmetet në Turqi

Numri i të vdekurve nga tërmetet që kanë goditur Turqinë jugore në muajin e kaluar është rritur në 50 mijë e 96, tha të hënën një zyrtar nga agjencia e fatkeqësive të vendit.

Kreu i Presidencës së Menaxhimit të Fatkeqësive dhe Emergjencave (AFAD), Yunus Sezer u shpreh se 107 mijë e 204 njerëz janë lënduar.

Më 6 shkurt, tërmetet me magnitudë 7.7 dhe 7.6 kanë goditur 11 provinca turke – Adana, Adiyaman, Diyarbakir, Elazig, Hatay, Gaziantep, Kahramanmaras, Kilis, Malatya, Osmaniye dhe Sanliurfa.

Më shumë se 13.5 milionë njerëz në Turqi janë prekur nga tërmetet shkatërruese, si dhe shumë të tjerë në Sirinë veriore.