Lloga: Kodi i ri civil, ligji për përfaqësim të drejtë, ligji për pronësi dhe disa ligje tjera, janë prioritet në këtë mandat

Pas disa dekadave, Maqedonia e Veriut deri në fund të këtij viti ose fillim të vitit të ardhëshëm do të ketë përfundimisht Kodin e ri civil. Ministri i Drejtësisë, Krenar Lloga, në emisionin Click Plus, shpalosi mbërë edhe ligje të tjera të cilat po përgaditen ose janë në fazën finale për tu miratiar gjatë mandatit të tij.

“Një nga të arriturat që besoj se do të arrijmë gjatë mandatit është kodi civil. Domethënë kodi civil i një vendi merr më shumë se dy, tre apo katër dekada. Nga ndryshimet e para të vitit 92 besoj se jemi shumë afër sjelljes së kodit të ri civil. Katër nga pesë, kushtimisjt thënë kapitujt e kodit civil janë gati, pritet që edhe kapitulli i fundit të kryhet dhe besoj se fundi i 2023 ose fillimi i 2024 do të kompletohet. Është ligji për falje që sanksionon presidentit i cili nuk do të ketë më të drejtë që të falë njerëz në procedurë e sipër, ose lëndë që nuk do të marrim vendim të formës së prerë apo atë që e quajmë ndryshe vendim fuqiplotë. Do të jenë dy ligje të cilat do ta rregullojnë fushën e kadastrit e cila është një prej plagëve më të mëdha, sidomos për shqiptarët sepse nuk i kanë të rregulluara çështjet pronësore juridike, do të shmangen procedurat të cilat deri më tani kanë zvarrit dhe kanë sjellë shumë telashe të trashëgimisë dhe familjes, sepse me dekada është bartur dhe një pjesë e madhe pronësinë e kanë në emër të gjyshërve. Dhe kur duhet të marrin një leje për shpi duhet ti hyjnë një procesi të vështirë sepse hallë, dajë, gjysh janë jashtë vendit ose kanë ndru jetë. Me këtë ligj do të shkurtohet me afate dhe do të ketë një risi që sdua ta them këtu, që nuk do të shkohet më në komision të shkallës së dytë, në gjykatë administrative, pastaj në shkallën e dytë të gjykatës administrative dhe pastaj ajo të sjellë një vendim për rishikim dhe kjo është pa fund”, tha Lloga.

Gjithashtu ministry I drejtësisë njoftoi se në procedurë është edhe ligji për procedurë penale, ligji për ekzekutimin e saknksioneve, një ligj i cili do të përforcojë drejtorinë për ekzekutimin e sanksioneve me trupa tjerë ndihmës të cilët do të ndihmojnë në organizimin sekret për gjetjen se si bëhen këto parregullsi brenda burgjeve. Lloga paraljmëroi edhe ligjin për përfaqësim të drejtë edhe adekuat.

“Është ligji për menaxhimin e pronës së sekuestruar, është ligji për zyrë për kthimin e pasurisë, por sfidë e madhe për ne mbetet ajo që e kemi pasur në programin e 2020 “Shtet për të gjithë”, ku kemi thënë që do të sjellim ligjin për përfaqësim të drejtë dhe adekuat i cili do të lidhet edhe me përfaqësimin etnik, por edhe me përfaqësimin e grupeve më të vogla etnike dhe grupacioneve të margjinalizuara”, u shpreh minisrri Lloga.