Kovaçevski: Detyrim i të gjithëve është që ta vazhdojmë rrugën e shtetit drejt BE-së

Procesi i anëtarësimit në BE nuk është proces i një njeriu, as i një partie politike, as proces i një qeverie, por është obligim dhe përgjegjësi e të gjitha partive politike në shtet, veçanërisht ata të përfaqësuar në Kuvend – t’i realizojnë interesat strategjike të shtetit përmes mbështetjes së vendimeve të nevojshme, deklaroi sot kryeministri Dimitar Kovaçevski në përgjigjen e pyetjes së gazetarëve, si Qeveria do ta sigurojë shumicën prej dy të tretave të nevojshme për ndrysimin e Kushtetutës.

“Ndryshimet kushtetuese janë një nga vendimet që duhet të merren me shumicë prej dy të tretave për anëtarësim të plotë në BE. Pas kësaj pasojnë vendimet që kanë të bëjnë me reformat në gjyqësi, reformat në prokurori, decentralizim, si dhe zgjidhje të tjera ligjore që duhet të miratohen me shumicë prej dy të tretave. Për herë të parë pas 22 viteve kemi pasur Këshill për Stabilizim dhe Asociim që është mbajtur në Shkup, në të cilin janë dërguar mesazhe të qarta nga zëvendëskryetari i Komisionit Evropian, Borel, dhe komisari evropian për Zgjerim, Varheji, të cilët thanë Korniza negociuese në të cilën qëndrojnë edhedetyrimet dhe kriteret për anëtarësim të shtetit tonë në BE, janë votuar dhe janë dorëzuar nga 27 vendet anëtare të BE-së”, tha Kovaçevski.

Ai u bëri thirrje të gjitha partive politike, siç tha, që ta mbështesin rrugën e shtetit tonë me hapa vendimmarrëse reale dhe vendimmarje, e jo vetëm deklarative.

“Dhe prandaj kur shtroni pyetjen se si do të siguroni një shumicë prej dy të tretash, ky është detyrim i secilit që ta vazhdojmë rrugën e shtetit në BE. Vendimet që kanë të bëjnë me drejtimet e rëndësishme strategjike të shtetit, siç është anëtarësimi në BE, ato nuk duhet të jenë objekt i politikës ditore, por përkundrazi, ato duhet të jenë objekt i konsensusit shoqëror, siç ishin edhe në Kroaci dhe Slloveni kur u anëtarësuan. Dhe prandaj besoj se kemi kapacitetin demokratik dhe politik për t’i marrë të gjitha vendimet e nevojshme, sepse ky nuk është i fundit, por i pari i një sërë vendimesh që merren me dy të tretat në Kuvend që do të duhet të miratohen deri në anëtarësimin e plotë të shtetit në BE”, theksoi Kovaçevski.

Sipas tij, të flasësh një gjë para ambasadave, ndërsa një gjë tjetër para popullit, nuk ka dobi askush.

“Të flasësh se dikush mund ta ndryshojë Kornizën negociuese më së miri është përgënjeshtruar nga ana e nënkryetarit të Komisionit Evropian, i cili ishte shumë i qartë në qëndrimet e Bashkimit Evropian, vizavi Korniza negociuese dhe anëtarësimit tonë në BE, ku edhe të dy bashkëbiseduesit shprehën optimizëm se ne mund të bëhemi anëtare e Unionit”, theksoi ai.

Kovaçevski përsëriti se ne jemi duke negociuar me BE-në dhe nuk po negociojmë me asnjë vend fqinj.

“Me fqinjët zgjidhen marrëdhëniet dypalëshe që kanë të bëjnë me fqinjësinë e mirë. Me BE-n[ negociohet dhe bëhen reforma që të plotësohen kriteret, me qëllim që shoqëria të bëhet në nivelin e shteteve që tashmë janë anëtare të BE-së”, është decid Kovaçevski.