Gazetarja flet për bashkëjetesën dhe shijet e partnerit gjerman: Preferon fasulet

Kush mendon se vetëm shqiptarët konsumojnë fasule, nga halli, apo nga qejfi, gabon?

Shqiptarët mendojnë se fasulet janë ushqimi i tyre tradicional, ndonjëherë nga halli, apo ndonjëherë edhe i pëlqyer. Gazetarja Iva Tiço ndau me publikun lumturinë e saj krah partnerit gjerman.

Ajo tregoi se që prej momentit që ka vendosur unazën në gisht, sheh çdo vajzë nëse ka një të tillë, duke theksuar se është shumë romantike. Sidoqoftë Tiço nuk mohoi se bashkëjetesa përfundon gjithnjë duke thënë “çfarë ka për darkë”, më shumë se fjalë romantike.

Sa i takon shijeve të partnerit, gazetarja tha se fasulet janë të preferuarat e tij, edhe pse e acaron kur i cilëson si “supë”.

Ndër të tjera, Tiço tregoi se është shkëputur nga media edhe si ndjekëse duke qenë se në një familje dygjuhëshe është e vështirë të shihet një program shqiptar. Gazetarja e ftuar në “Good morning Albanians” në Euroneës Albania pohoi se partneri flet shumë mirë shqip, ndërsa ajo ka hequr dorë nga gjermanishtja duke treguar se nuk e mëson dot gjuhën mëmë të bashkëjetuesit të saj.