Ageller konfirmon mbështetjen e SHBA-ve për reformat në ekonomi

Inkurajimi për bashkëpunim të ndërsjellë mes bizneseve nga rajoni me qëllim rritjen e prodhimit të brendshëm bruto dhe afrimin e standardeve ekonomike me ato evropiane, ishte mesazhi që u dërgua në konferencën rajonale e organizuar nga Oda Ekonomike e Maqedonisë së Veriut. Zv.kryeministri për çështje ekonomike Fatmir Bytyqi bëri thirrje deri te kompanitë të rritin bashkëpunimin ndër rajonal ndërsa ambasadorja amerikane në vend Angela Ageller konfirmoi mbështetjen e Qeverisë së SHBA-ve për reformat në ekonomi.

“Siguria ekonomike është prioritet kyç për Shtetet e Bashkuara dhe ne kërkojmë t’ju promovojmë dhe inkurajojmë si investues këtu dhe në të gjithë rajonin. Kjo është arsyeja pse ne jemi partnerë me ju për performancat e vazhdueshme ekonomike dhe për të zhvilluar një fuqi punëtore për t’iu përgjigjur goditjeve ekonomike nga pandemia, inflacioni dhe lufta ruse në Ukrainë”, tha Ageller.