Zhurmë në Napoli, statuja e Maradonës jashtë stadiumit do të hiqet prej aty

Më 25 nëntor 2021, një vit pas vdekjes së Diego Armando Maradonës, dita kushtuar inagurimit të statujës së tij ishte emocionuese dhe prekëse.

Ajo u ekspozua jashtë stadiumit që sot mban emrin e tij në prani të presidentit De Laurentiis, të ish-presidentit Ferlaino etj. Statuja u vendos përkohësisht jashtë Maradona Stadium në pritje të një marrëveshjeje përfundimtare. Tani, çuditërisht, së shpejti do t’i duhet të ndryshojë vendodhjen.

Bashkia e Napolit shpjegoi me një rezolutë se nuk mund ta pranonte donacionin. Vlera e punës së artistit Domenico Sepe, në fakt është më e madhe se mundësistë e shpenzimeve të donatorëve. Jo vetëm kaq, artistit në fjalë do t’i garantohej një shikueshmëri që mund të ishte tërheqëse edhe për artistët e tjerë.

Si përmbledhje, respektimi i parimit të paanësisë do të cenohej. Tashmë ka nisur një hetim nga organet e drejtësisë për zbardhjen e kësaj çështjeje dhe zbardhjen e çdo aspekti të saj.