Bayerni humbet nga Borussia Monchengladbach, hapet lufta për titull në Bundesliga

Bayern Munchen ka humbur me rezultat 3-1 nga Borussia Monchengladbach  për të hapur kështu luftën për titull në Bundesliga, pasi që tani me një fitore Union Berlin ose Borussia Dortmund do ia rrezikojnë Bayernit vendin e parë. Stindl (13’) , Hofmann (55’)  dhe Thuram (84’) shënuan për Monchengladbach kurse golat për Bayern u shënuan nga Choupo Motting (35’) dhe Tel (90+3’)

Bayern Munchen ka bërë një hap pas në shkëputjen e tyre në Bundesliga, pasi që ata kanë humbur me rezultat 3-2 nga Borussia Monchengladbach.

Ndeshja nisi shumë keq për Bayernin pasi që në minutën e 9-të Dayot Upamecano mori karton të kuq të drejtpërdrejt pasi një ndërhyrje tepër të ashpër në Tobias Welts.

Minuta e 13-të shënoi golin e parë për Monchengladbach, i cili u shënua nga Lars Stindl e ku ai u asistua  nga Hofmann.

Stindl pati një mundësi të mirë që të shënonte edhe një gol në minutën e 24-të por portieri i Monchengladbach reagoi mirë dhe priti goditjen e tij.

Megjithatë, Bayern ja doli që të barazoi në pjesën e parë duke shënuar gol në minutën e 35-të me anë të  Eric Maxim Choupo-Moting që u asistua nga Alphonso Davies.

Tentimi i parë për gol në pjesën e dytë erdhi nga Bayerni të cilët rrezikuan për herë të parë në minutën e 49-të me Joshua Kimmich.

Megjithatë, Monchengladbach kalon në epërsi në minutën e 55-të ku Alassana Plea pason për Jonas Hofmann dhe ai shënon golin e dytë për vendasit.

Shifrat në 3-1 do të bëheshin në minutën e 84-të.

Hofmann përsëri do të ishte asistues, kësaj radhe për Marcus Thuram që shënoi golin e tretë.

Bayerni shënoi golin e dytë në minutën e tretë shtesë të ndeshjes duke bërë përfundimin e kësaj ndeshje edhe më dramatik. Realizator për bavarezët ishte Mathys Tel kurse asistues përsëri Davies.

Me këtë humbje Bayern mbetet në vendin e parë me 43 pikë pas 21 xhirove, dy më shumë se Union Berlin dhe 3 më pak se Borussia Dortmund dhe Freiburg.

Ndeshjen e radhës, Bayern e zhvillon kundër Union Berlinit që është në vendin e dytë, ndërkaq Monchengladbach luan si mysafirë i Mainzit.