Përshkallëzohen protestat antiqeveritare në Peru, 45 viktima deri më tani (VIDEO)

Përshkallëzohen protestat antiqeveritare në Peru, 45 viktima deri më tani (VIDEO)

Kaosi ka përfshirë Perunë, me mijëra protestues që dolën në rrugët e Limës ditën e djeshme pasi 45 persona humbën jetën në trazirat gjatë muajve të fundit. Policia vlerëson numrin e protestuesve në 3,500, të tjerë pretendojnë se ata i kaluan 7,000 siç raportohet nga Reuters.

Një godinë historike në qendër të qytetit, në sheshin San Martin është përfshirë nga flakët. Megjithatë, ministri i Brendshëm Vicente Romero kundërshtoi pretendimet që qarkullonin në mediat sociale se zjarri ishte shkaktuar nga gazi lotsjellës i hedhur nga policia.

Situata në Peru është një nga më të këqijat që ka përjetuar vendi në 20 vitet e fundit. Shumë banorë, veçanërisht në zonat më të varfra rurale, janë të zemëruar për pabarazinë dhe rritjen e çmimeve.

Protestuesit po bëjnë thirrje për dorëheqjen e Bolluarte, zgjedhje të parakohshme dhe një kushtetutë të re për të zëvendësuar atë në fuqi që nga viti 1990 nën krahun e djathtë Alberto Fujimori.

Përshkallëzohen protestat antiqeveritare në Peru, 45 viktima deri më tani (VIDEO)