Pamje: Ja çka lanë pas vërshimet në Mitrovicë (VIDEO)

Qytetarët e Kosovës në disa rajone po përballen me pasojat e vërshimeve që nisën tash e dy ditë.

Gjendja e sotme e lumit ‘Lushta’ në Mitrovicë nga vërshimet

Në Kosovë, edhe sot pritet të mbajë mot i vranët dhe me reshje shiu.

Instituti Hidrometeorologjik i Kosovës njofton se në fundjavë pritet të kemi masa të ftohta të ajrit me origjinë nga veriu i kontinentit, gjë që do të ndikoj dukshëm në uljen e temperaturave në të dy vlerat ekstreme.“Reshjet e parashikuara për fundjavë, parashihen të jenë në formë dëbore”, njofton IHMK.

Qeveria e Kosovës njoftoi të enjten në mbrëmje, se lidhur me vërshimet gjendja po shkon drejt stabilizimit në Istog, Mitrovicë dhe Skenderaj, mirëpo në Klinë situata mbetet e vështirë.

Sipas njoftimit, në Skenderaj janë dërguar gjashtë ekipe shtesë dhe tri ekipe shtesë në Istog dhe Mitrovicë, në Klinë janë dërguar përforcime shtesë me zjarrfikës nga komunat përreth.