Bayerni ndalet me barazim edhe nga Kolni
Bayern Munichi ka regjistruar barazimin e dytë radhazi në Bundesligë.
Në ndeshjen e vlefshme për javën e 17-të, kampionët në fuqi gjermanë ndanë pikët me Kolnin.
Ndeshja e zhvilluar sonte në “Allianz Arena” përfundoi me rezultatin 1:1, me nga një gol të shënuar në secilën pjesë.
Mysafirët kaluan të parët në epërsi, me golin e shënuar nga Ellyes Skhiri, qysh në minutën e katërt të ndeshjes.
“Bavarezët” e siguruan një pikë nga kjo përballje në fundin e ndeshjes, kur Joshua Kimmich shënoi gol në minutën e 90-të.
Bayerni pas këtij barazimi ka 36 pikë dhe vazhdon kryesimin në tabelë, me katër pikë më shumë se skuadra e dytë, Leipzigu.
Kolni ka 21 pikë dhe renditet i dhjeti.