Penov: Protestat e transportuesve të autobusëve privat kanë sfond politik

Protestat e transportuesve të autobusëve privatë në Shkup kanë sfond politik, por Qeveria ende duhet t’i kushtojë vëmendje atij problemi, deklaroi ministri i Vetëqeverisjes Lokale Risto Penov.

“Ky lloj bllokadash për shkak të borxheve ekonomike përshkruan prapavijë politike, të gjithë mund ta shohim “Zërin e Dritës” nga viti 2005, sepse për, nuk e di, një milion euro borxh, vuajnë të gjithë shkupjanët dhe të gjithë ata që vijnë në Shkup, kjo është e paarsyeshme. Por në çdo rast krijon një shqetësim të madh për funksionimin e plotë dhe duhet t’i kushtojmë vëmendje për ta zgjidhur atë”, tha Penov, duke qenë i ftuar në emisionin “Vin Vin” sonte në televizionin Telma.

Lidhur me projektet e shumta në Shkup që ose kanë ngecur ose nuk kanë filluar fare me realizimin e tyre, Penov tha se nuk guxon të neglizhohen nevojat e qytetarëve të Shkupit për ndonjë lloj bllokimi apo arsye të tjera dhe për këtë kryetarja e qytetit të Shkupit Danela Arsovska sheh interes për funksionimin e këtyre projekteve.