Macron fton Benzeman dhe lojtarë të tjerë të dëmtuar në finale

Karim Benzema është ftuar të jetë i pranishëm në finalen e Kupës së Botës 2022, siç raportoi Marca të enjten.

Didier Deschamps dha një përgjigje të ftohtë në dhomën e shtypit pas fitores ndaj Marokut, kur u pyet nëse Benzema kishte një shans të kthehej ose për të qenë në tribunë ose për të luajtur nëse ishte rikuperuar. “Pyetja tjetër,” u përgjigj ai thjesht.

RTL pretendon se është një ide që vjen nga vetë presidenti francez Emmanuel Macron, i cili ishte tashmë në gjysmëfinale dje dhe që njoftoi prezencën e tij në finalen kundër Argjentinës këtë të diel në stadiumin Lusail.
Ideja e Macron nuk është vetëm të marrë Benzeman, por edhe të marrë grupin e lojtarëve të dëmtuar që kanë qenë në Katar ose që kanë munguar për shkak të dëmtimit, si Paul Pogba apo N’Golo Kante.