Shaqiri injoroi gazetarët serbë pas ndeshjes së sotme, nuk pranoi të prononcohej për ta
Zvicra pësoi humbje sot nga Brazili, në ndeshjen e vlefshme për raundin e dytë në Kupën e Botës “Katar 2022”.
Ndeshja e zhvilluar në stadiumin “974” përfundoi me rezultatin 1:0.
Xherdan Shaqiri nuk ishte në formacionin e titullarëve, e as nuk luajti fare në këtë ndeshje.
Sipas raportimeve të para, futbollisti nga Kosova kishte shqetësime me një lëndim në kofshë.
Pas ndeshjes me Brazilin, Shaqiri thuhet se nuk ka pranuar të jep deklaratë për mediat serbe.
“Kurir” ka raportuar se 31-vjeçari nuk pranoi të prononcohet për gazetarët serbë, pasi e mori vesh se prej nga janë ata.
Kujtojmë se Zvicra me Serbinë do të përballen mesvete më 2 dhjetor.
Shaqiri pritet të luajë nga minuta e parë në këtë përballje.