Derbi mbyllet pa fitues, Dortmundi dhe Bayerni ndajnë pikët

Derbi mes Borussia Dortmundit dhe Bayern Munichit ka përfunduar pa fitues.

Ndeshja e zhvilluar sonte në “Signal Iduna Park” ka përfunduar me rezultatin 2:2.

Leon Goretzka (33’) dhe Leroy Sane (53’) ia dhuruan epërsinë prej dy golave “Bavarezëve”, por nuk ia dolën ta mbanin deri në fund.
Youssoufa Moukoko (75’) dhe Anthony Modeste (90+5’) shënuan për t’ia siguruar vendasve së paku një pikë.

Vlen të theksohet se kampionët gjermanë luajtën me një lojtar më pak nga minuta e 90-të, pasi Kingsley Coman u përjashtua pas kartonit të dytë të verdhë.

Bayerni dhe Dortmundi vazhdojnë të kenë pikë të barabarta, nga 16, dhe ndajnë pozitat tre dhe katër.