Belgjika triumfon ndaj Uellsit
Belgjika ka arritur fitore të ngushtë 2:1 ndaj Uellsit në Ligën e Kombeve.
Vendasit e kryen punën qysh në pjesë të parë, duke realizuar dy herë.
De Bruyne më minutën e 10-të dhe Batshuayi në të 37-tën realizuan për vendasit.
Golin e nderit mysafirët e shënuan në minutën e 50-të përmes Moore.
Me këtë fitore, Belgjika shkon në kuotën e 10 pikëve në vendin e dytë, tri më pak se Holanda që i prin grupit A4.
Në anën tjetër, Uellsi mbetet i fundit me vetëm një pikë dhe pranë rënies në Ligën B.