Federata e Futbollit e Francës nuk e njeh Galtierin si trajner të PSG-së

Kontrata e Christophe Galtier e nënshkruar me Paris Saint-Germain për një periudhë dyvjeçare nuk është miratuar nga Federata Franceze e Futbollit.

Komisioni federal dhe trajnerëve të futbollit që u mblodh më 28 korrik nuk miratoi kontratën dyvjeçare të nënshkruar nga Chistophe Galtier me Paris Saint-Germain, raporton L’Equipe , transmeton Klankosova.tv.

Në procesverbalin e tij, “i kërkon Christophe Galtier -it që të afrohet më shumë me drejtorin teknik kombëtar (DTN) në lidhje me detyrimet e tij të arsimit të vazhdueshëm” .

Në fakt, 55-vjeçari nuk ka marrë “rikualifikimin” e diplomës së UEFA Pro, një lloj përditësimi i njohurive të tij.

Sipas rregullores, çdo trajner duhet ta marrë atë çdo tre vjet, duke kaluar provimin që jep Certifikatën e Trajnimit Profesional të Futbollit (BEPF).

Megjithatë, marrëveshja me klubin parisien dhe Galtier nuk duket e rrezikuar dhe ka gjasa që trajneri t’i nënshtrohet ekzaminimeve gjatë pushimit të radhës në kombëtare.