Vjehrri nuk e pranon vrasjen e dhëndrit shqiptar, policia në kërkim të dëshmitarëve

Mund të ketë një të dyshuar në burg, por policia dhe gjykata janë ende në kërkim të më shumë informacioneve rreth të shtënave të së dielës së kaluar në Stuivekenskerke (Diksmuide). Aty u vra gjakftohtësisht një motoçiklist 28-vjeçar nga Shqipëria, Ilir S.

Stephane V. (54 vjeç), babai i të dashurës së Ilir S., ndodhet në burg si i dyshuar për vrasjen. Por ai mohon ta ketë qëlluar. Për këtë arsye gjykata kërkon urgjentisht informacione dhe dëshmi shtesë.

Të dielën, më 17 korrik 2022, midis orës 20.30 dhe 21:00, disa plumba u qëlluan në drejtim të Ilir S. Kjo ndodhi në Ijzerdijk afër shtëpisë së tij në Stuivekenskerke (Diksmuide). Viktima ka ndërruar jetë nga plagët e marra. Rreth vendit të vrasjes u gjetën 12 gëzhoja, tre plumba e vranë atë.

Në kuadër të këtij hetimi, policia dhe organet e drejtësisë janë në kërkim të dëshmitarëve që kanë qenë të pranishëm përgjatë ose pranë Yser-it, ndërmjet urës Tervate dhe urës Schourbakke. Personave që do të kishin bërë imazhe me telefonin e tyre celular ose aparat fotografik po ashtu u kërkohet të raportojnë.

Një kërkim specifik po bëhet edhe për dëshmitarët potencialisht të rëndësishëm, drejtuesit e dy furgonëve me ngjyra të çelura dhe një veture pasagjerësh që po lëviznin drejt Nieuwpoort në atë kohë.