Suarez e refuzon kalimin në Argjentinë, sulmuesi dëshiron të qëndrojë në Europë

Luis Suarez po shqyrton me imtësi ofertat të cilat po vijnë në drejtim të tij, sa i takon dhe zgjedhjes së skuadrës së re ku do të transferohet.

Ofertat kanë qenë të shumta për ish-sulmuesin e Barcelonës, i cili në fund të qershorit u largua nga skuadra e Atletico Madrid.

River Plate kërkonte me ngulm shërbimet e Suarez, me këtë të fundit i cili thuhet se ka refuzuar ofertën e klubit argjentinas, pasi kërkon të qëndrojë në Europë.

“Plani im është të qëndroj në Evropë. River Plate provoi me të vërtetë të më transferonte”, ka theksuar fillimisht Suarez për “Ovacio”.

“Kjo skuadër është edhe jashtë Copa Libertadores. Nuk do të transferohem atje”, përfundoi sulmuesi i njohur.

35-vjeçari ka ndërtuar një karrierë të madhe në Europë, teksa mbetet të shihet se cili do të jetë klubi i tij i ri.