Shkupi shënon fitore bindëse në ndeshjen e parë ndaj Lincoln Red Imps

Shkupi ka shënuar fitore bindëse ndaj Lincoln Red Imps, në ndeshjen e parë të raundit të parë kualifikues në Ligën e Kampionëve.

Kampionët e Maqedonisë së Veriut fituan me rezultatin 3:0.

Mamadou Danfa (11’), Sunday Adetunji (29’) dhe Roy Chipolina (62’ – autogol) shënuan në fitoren e skuadrës shqiptare.

Fitorja me këtë rezultat padyshim se e favorizon edhe më shumë Shkupin për të kaluar tutje.

Ndeshja e kthimit do të zhvillohet pas një jave në Gjibraltar.