Rusia po vazhdon ‘ta shtojë ferrin e vërtetë’ në lindje, thotë guvernatori i Ukrainës

Forcat ruse po vazhdojnë të “shtojnë ferrin e vërtetë” në rajonin lindor të Ukrainës, ka thënë një guvernator lokal.

Serhyi Haidai, guvernatori i Luhanskut, u bëri thirrje njerëzve në zonat e pushtuara nga Rusia në jug, që të evakuohen “me të gjitha mjetet e mundshme”.

Ai tha se Rusia kishte nisur mbi 20 sulme artilerie, mortajash dhe raketash në provincë gjatë natës dhe forcat e saj po bënin presion drejt kufirit me Donetskun fqinj.

“Ne po përpiqemi të frenojmë formacionet e armatosura të rusëve përgjatë gjithë vijës së frontit”, shkroi Haidai në Telegram, përcjell Klankosova.tv

Javën e kaluar, Rusia pushtoi bastionin e fundit të madh të rezistencës ukrainase në Luhansk.

Analistët parashikuan se trupat e Moskës ka të ngjarë të marrin kohë për t’u riarmatosur dhe rigrupuar. Por “deri më tani, nuk ka pasur asnjë pauzë operacionale të shpallur nga armiku”, tha Haidai.

“Ende po sulmon dhe bombardon tokat tona me të njëjtin intensitet si më parë”.