Reagon Platini: Drejtësia erdhi pas shtatë vitesh me gënjeshtra dhe manipulime

“Pas vendimit të gjyqtarëve të gjykatës së Bellizonës këtë mëngjes, desha të shpreh lumturinë time për të gjithë të dashurit e mi që më në fund drejtësia u vendos pas shtatë vitesh me gënjeshtra dhe manipulime”.

Kështu në një shënim Platini, ish-presidenti i UEFA-s, është shprehur i lumtur dhe i qetë pas vendimit të gjykatës.

Platini dhe ish-presidenti i FIFA-s, Sepp Blatter, ishin akuzuar nga ministria publike e Konfederatës për mashtrim kundër FIFA-s.

“E vërteta ka dalë në dritë. Lufta ime është një luftë kundër padrejtësisë. Kam fituar sfidën e parë. Në këtë rast, ka fajtorë që nuk u paraqitën gjatë këtij gjyqi. Unë nuk do të dorëzohem dhe do të shkoj në të gjithë rrugën për të kërkuar të vërtetën”, u shpreh Platini./