Veliu: S’duhet habitur pse Vjosa sillet ndaj Lumirit sipas thënies “e kapërceva lumin…”

Deputeti i Lidhjes Demokratike të Kosovës, Agim Veliu, ka thënë se kryetarit të kësaj partie, Lumir Abdixhiku, i është dashur një vit që ta pranoj se presidentja Osmani s’është e të gjithëve.

Ditë më parë Abdixhiku tha se komunikimin me Osmanin e ka veç institucional, ndërsa Veliu i reagoi duke thënë se “derisa e bëri presidetne kishte komunikime të përditshme”.

“Një presidente që ka ardhur në pushtet nën petkun e VV-së dhe e përkrahur nga disa deputetë të LDK-së të ndikuar nga Lumiri, pra pa konsensus të gjerë, nuk mund të jetë e të gjithëve! E VV-së po, pa dyshim, por pse jo e Lumirit dhe e kompanisë së tij, kjo është pak e çuditshme”, është shprehur Veliu, transmeton Klankosova.tv.

Tutje, Veliu akuzoi presidenten Osmani se nuk ka ndryshuar dhe se ka qenë e shkëlqyer si politikane përçarëse deri në përpjekjen për shkatërrimin, sipas tij, të partisë që e rriti.

“Nuk është për t’u habitur pse Vjosa sillet ndaj Lumirit sipas asaj thënies “E kapërceva lumin…””, ka shkruar Veliu, transmeton Klankosova.tv.

Kujtojmë se në seancën e votimit të presidentes nga radhët e LDK-së nuk kanë marrë pjesë në votim Agim Veliu, Avdullah Hoti dhe Driton Selmanaj.