Një vit i papunë, Gatuzzo përgatit rikthimin nga La Liga

Eksperienca e fundit e Gennaro Gattuzos në stolin e një skuadre është ajo me Napolin e cila përfundoi pa shumë bujë në majin e vitit 2021. Prej asaj kohe, ish-tekniku i Milanit është i papunë dhe këtë sezon e ka ndjekur nga shtëpia e jo në rolin e protagonistit.

Mirëpo, nga sezoni i ardhshëm, 44-vjeçari është gati të rikthehet në krye të detyrës e t’i japë fund pushimeve. Sipas asaj që thekson prestigjiozja GOAL, tekniku italian ka nisur bisedimet e para me pronarin e Valencias, Peter Lim.
Trajneri aktual i spanjollëve, Jose Bordalas është shumë pranë lamtumirës dhe klubi i La Liga ka zgjedhur Gattuzon si të duhurin për të rikthyer skuadrën në një nivel konkurrues pasi në tre sezonet e fundit, Valencia nuk ia ka dalë të kualifikohet në kompeticionet europiane.

Në rast se bisedimet mes palëve mbyllën me sukses, atëherë Gattuzo do të provonte për herë të parë një eksperiencë spanjolle pasi më parë tekniku ka drejtuar vetëm në Itali, Greqi dhe Zvicër.