Në aeroportin e Ohrit ka arritur fluturimi i parë çarter me 155 turistë nga Holanda

Në Aeroportin e Ohrit “Shën Pali” sot ka arritur grupi i parë me 155 turistë holandezë për vitin 2022 me turoperatorin TUI. Në muajin maj dhe qershor kjo kompani do të ketë nga dy fluturime direkte në javë nga Asterda deri në Ohër, të mërkurën dhe të shtunën, ndërsa në korrik, gusht dhe një pjesë të shtatorit nga katër fluturime në javë.

Drejtori i Agjencisë për promovim dhe mbështetje të turizmit, Lupço Janevski pret më shumë se 60 çarter fluturime nga Amsterdami me këtë kompani ajrore dhe 100 deri në 150 për qind më shumë turistë nga Holanda për ta vizituar Ohrin dhe vendin këtë verë. Si risi e paralajmëroi operimin e TUI nga Mbretëria e Bashkuar nga mesi i qershorit me çka pritet më shumë mijëra turistë britanikë.

Lidhur me kthimin e vizave për vizitorët rusë në shtet, por edhe në përgjithësi edhe për tregjet tjera ku ka viza mendon se turizmi nuk njeh kufi dhe udhëtim të lirë të të gjithë turistëve është shumë me rëndësi.

Nga TUI Holandë këtë verë presin rreth 6,5 deri në 7 mijë mysafirë, ndërsa nga TUI Britani të Madhe rreth 2.000 mysafirë.

Sipas planifikimit strategjik të Agjencisë për promovim dhe mbështetje të turizmit (APMT) për vitin 2022 në vend priten 2,6 milionë bujtje dhe fluks të rritur devizor.