Ish-spiuni dhe eksperti për Rusinë beson që Vladimir Putin është i sëmurë

Ish-spiuni britanik, Christopher Steele thotë se Vladimir Putin është “i sëmurë rëndë”.

Steele për Sky News tha se “Sigurisht, nga ajo që po dëgjojmë nga burime në Rusi dhe gjetkë, është se Putini është, në fakt, mjaft i sëmurë rëndë. Nuk është e qartë saktësisht se çfarë është kjo sëmundje – nëse është e pashërueshme apo terminale, apo çfarëdo tjetër. Por sigurisht, unë mendoj se është pjesë e ekuacionit.”

Ky reagim erdhi pasi gjeneralmajori ukrainas Kyrylo Budanov, në një intervistë ekskluzive me Sky News, tha gjithashtu se lideri rus është i sëmurë rëndë me kancer dhe se një grusht shteti për ta hequr atë është duke u zhvilluar në Rusi.

Spekulimet rreth shëndetit të Vladimir Putinit kanë qarkulluar prej disa vitesh, por vetëm janë intensifikuar që kur ai urdhëroi pushtimin e Ukrainës.

Revista New Lines raportoi se ka marrë një regjistrim audio të një oligarku pranë Kremlinit, i cili e përshkruan presidentin rus si “shumë të sëmurë me kancer në gjak”, megjithëse lloji i kancerit të gjakut nuk ishte specifikuar.

Steele shtoi: “Kur e shihni që po ndodh, mendoni se është ndoshta e vërtetë. Pra, mendoj se ka një element të sëmundjes së tij të përfshirë në këtë dhe trashëgiminë e tij.”

Këto pretendime u forcuan në ditën e mërkurë kur Vladimir Putin mbajti fjalimit të tij në përkujtimin e Ditës së Fitores së Rusisë. Ekspertët e gjuhës së trupit kanë studiur lëvizjet e tij.

Ekspertët e gjuhës së trupit theksuan se fytyra e presidentit ishte “e fryrë” dhe ecja e tij “e paqëndrueshme”, gjë që disa kanë sugjeruar se mund të nënkuptojë një formë mjekimi për një sëmundje.

Steele shtoi: “Në përgjithësi ka shumë pak njerëz që janë të përgatitur të kundërshtojnë ose të debatojnë me Presidentin Putin… Megjithatë mendoj se ka zëra disidentë, zëra të papajtueshëm, njerëz që i thonë atij se kjo është një luftë katastrofike. kjo, veçanërisht në ekonomi, nuk do të luajë mirë për Rusinë dhe ne mund të shpresojmë vetëm se kjo do të çojë në një lloj ndryshimi të politikës, apo edhe ndryshim të regjimit në kohën e duhur, por sigurisht që nuk është e dhënë.”