Zbulohen dokumentet sekrete të Putinit, si do pushtohej Ukraina deri në gusht

Një institut britanik i mbrojtjes dhe sigurisë ka zbuluar detaje të planit të para-pushtimit të Moskës për Ukrainën, bazuar në dokumentet e nënshkruara nga Vladimir Putin, sipas skynews.

Rusia kishte planifikuar të pushtonte Ukrainën për 10 ditë dhe ta aneksonte atë deri në gusht të këtij viti, tha Instituti Mbretëror i Shërbimeve të Bashkuara për Studimet e Mbrojtjes dhe Sigurisë (RUSI).

Sipas burimeve, vetëm një grup i vogël zyrtarësh rusë ishin në dijeni të shkallës së plotë të planeve. Ai tha se edhe nënkryetarët brenda ushtrisë ruse nuk ishin në dijeni të planit për të pushtuar Ukrainën deri disa ditë para fillimit të pushtimit, dhe njësitë ushtarake taktike nuk morën urdhra vetëm disa orë para pushtimit.

Sipas dokumentave, Rusia planifikonte të merrte në kontroll termocentralet e Ukrainës, bankën qendrore dhe parlamentin dhe se shërbimet speciale ruse kishin për detyrë të vrisnin udhëheqësit ukrainas, raporton abcnews.al.

Rusia planifikoi të përdorte njësitë ajrore bjelloruse për të marrë në kontroll termocentralet bërthamore Rivne dhe Khmelnytsky. Plani i Rusisë ishte të merrte në kontroll termocentralet bërthamore të Ukrainës me qëllim që të strehoheshin trupat ruse, të kishin kontroll mbi sistemin energjetik të vendit.

Rusia planifikoi të fillonte pushtimin me një “fushatë masive raketash dhe sulmesh ajrore” kundër objektivave ushtarake ukrainase, tha RUSI. Ai shtoi se Moska nuk do të synojë infrastrukturën kritike si termocentralet dhe hekurudhat, sepse këto ishin kyçe për planet e saj për të pushtuar vendin.

Regjimi rus i kundërzbulimit kishte përpiluar lista të disa ukrainasve, sipas RUSI.

Ata u ndanë në katër kategori:

-Ata që duhet të vriten

-Ata që duhet të frikësohen dhe shtypen

-Personat me të cilët mund të bashkëpunonin

Rusia thuhet gjithashtu se planifikoi bashkëpunimin e detyruar të guvernatorëve rajonalë dhe autoriteteve lokale.

/abcnews.al

*AnashBota planiPutinRusiaukraina
Të ngjashme

Rusia teston raketën e re në Kazakistan

Biografi i Putin: Mund të dalë vetë nga skena duke lënë një pasardhës. Bomba bërthamore? Vetëm nëse sulmohet Krimeja

Biden i gatshëm të bisedojë me Putinin për t’i dhënë fund luftës në Ukrainë