“Sollëm diellin për ju, mos pini shumë verë”, batutat e Ramës që bënë të pranishmit të qeshnin
Batutat e kryeministrit Edi Rama nuk munguan as sot, një ditë e rëndësishme në historinë e marrëdhënieve ndërkombëtare të Shqipërisë. Sot kryeqyteti jonë mirëpret liderë nga 27 vende europiane dhe 44 delegacione në kuadër të Samitit BE- Ballkani Perëndimor.
Për rrjedhojë prej orëve të para të mëngjesit Rama ka nisur pritjen e liderëve të BE-së, për ti shoqëruar më pas në brendësi të ambienteve të stadiumit “Air Albania”.
Gjatë pritjes Rama foli për gazetarët e huaj, që ndodhen në ambiente e jashtme të “Air Albania”. Kryeministri tha se samiti i sotëm është një ngjarje e jashtëzakonshme për Shqipërinë, ndërsa përbën një sinjal të fortë të vetëdijes evropianë, se Bashkimi Europian ka nevojë për Ballkanin Perëndimor.
Me batuta Rama tha se nuk kishte se si mos ti priste liderët evropian pa diell. “Sollëm diellin për ju”, u tha Rama gazetarëve. Ndërkohë i “ngacmoi” duke u thënë mos të konsumojnë të gjithë verën, që dha gazetarëve të huaj mëngjesin e sotëm.
Rama tha se të gjithë liderët Perëndimorë që erdhën sot në Tiranë ishin të lumtur, për shkak të motit me diell dhe atmosferës pozitive në Tirane.
“Kjo është e jashtëzokonshme, është diçka që ai me imagjinatën më guximtare nuk do të kishte imagjinuar se do të ndodhte. Ky është sinjal i fortë i vetëdijes së BE-së, që BE-ja ka nevojë për BP. Nuk mund t’ju mirëpsinim me mot të keq. Sollëm diellin për ju. Këtu është roc and roll, në Bruksel është vetëm simfoni. Këtu është shumë pak më e mërzitshme atmosfera se Brukseli. I patë të gjithë, ishin të lumtur. Mos e pini të gjithë verën që morët në mëngjes”, tha Rama.
Në Tiranë sot, (06.12) zhvillon punimet samiti BE-Ballkan Perëndimor,(BP) i pari që zhvillohet në një vend jo anëtar të BE dhe në rajonin e Ballkanit.
Burime zyrtare nga Këshilli Europian (KE) bëjnë me dije që ky samit është “pjesë e zbatimit të axhendës strategjike 2019-2024 të këtij Këshilli”. “Samiti është një mundësi për të rikonfirmuar rëndësinë e madhe të partneritetit strategjik mes BE-së dhe Ballkanit Perëndimor (BP), këtij rajoni me një perspektivë të qartë europiane”, thekson zyra e shtypit e KE.
Shtatë janë çështjet më thelbësore që do të diskutohen në Samit. Megjithatë kryetema e këtij takimi do të jetë lufta në Ukrainë, dhe pasojat negative të krizës energjetike në Ballkanin Perëndimor.
-sulmet kibernetike, përfshi shqetësimin për shtimin e emigracionit të paligjshëm drejt vendeve të BE-së;
– pasojat e agresionit rus në Ukrainë;
-intensifikimi politik dhe politikat e zgjerimit;
-shtimi i ndërtimit të sigurisë nga influencat e huaja;
– pasojat e agresionit rus në Ukrainë;
-intensifikimi politik dhe politikat e zgjerimit;
-shtimi i ndërtimit të sigurisë nga influencat e huaja;