Cili qytet evropian i ka tualetet publike më të pista

Hulumtimi se cili qytet evropian i ka tualetet më të pista është kryer në prag të Ditës Botërore të Tualetit, e cila është më 19 nëntor, dhe synon të rrisë ndërgjegjësimin për rëndësinë e higjienës së sigurt publike, shkruan Mirror.

Ekspertët bënë një renditje të tualeteve publike më të mira në Evropë duke krahasuar numrin e komenteve negative sipas qyteteve dhe numrin e herëve që janë përdorur sinonimet e fjalës “të pista”.

Ekspertët janë thelluar në të dhënat e vlerësimeve të “Google” për të përcaktuar se cili qytet evropian ka tualetet publike më të mira, por edhe ato me më të këqijat.
Në krye me tualetet më të pastra është Helsinki me vlerësim 4.85/5, Luksemburgu dhe Vaduzi në Lihtenshtajn janë në vendin e dytë dhe të tretë. Ljubljana zuri vendin e pestë me vlerësim 4.22/5. Zagrebi renditet në vendin e gjashtë për pastërtinë. Rezultati total që ka marrë Zagrebi është 4.07 nga maksimumi 5.

Berlini është qyteti evropian me tualetet publike më të këqija dhe ka marrë një vlerësim të përgjithshëm të pastërtisë prej vetëm 0.16/5, me pothuajse një në dhjetë vlerësime duke përfshirë fjalën “i pistë”.

Analiza u krye në tetë mijë rishikime për të përcaktuar qytetet evropiane me tualetet publike më të pista. Më pas u krye numërimi për të llogaritur për çdo qytet vlerësimin mesatar të tualeteve dhe përqindjen e vlerësimeve që përmbajnë fjalën kyçe “të pista” ose sinonimet e saj.