Osmani: Ky vit ka qenë historik për Maqedoninë e Veriut, çelëm negociatat me BE-në

Ministri i Jashtëm, Osmani në TV 21 duke folur për çeljen e negociatave dhe për çështjen bullgare ai tha se Bullgari nuk ka asnjë kërkesë shtesë, dhe se çdo gjë është definuar. Ai theksoi se ky vit ka qenë një vit historik për Maqedoninë.

“Jo, absolutisht jo, sepse ne i kemi definuar pritjet e të dyja palëve me protokollin e nënshkruar muajin e kaluar. Gjithashtu edhe në kuadër të kornizës negociuese, ajo çfarë është definuar atje. Ne kemi filluar bisedimet me BE-në, pas 17 viteve dhe tani fillon procesi i skriningut. Ky është një vit historik për ne.”- tha ndër të tjera Osmani.